[The girl with the falcon tattoo] Mirë se ju gjeta

Lexonjës trima,

Sot kemi kënaqësinë t`ju njoftojmë se Skifteri shton në radhët e veta një postues të gjinisë femërore, të cilën do ta quajmë The Girl With The Falcon Tattoo, for obvious reasons. Nejse, të flasim shqip. Hiti ynë më i fundit(cit. Top Channel) do shkruajë çdo të premte çfarë t`i vijë në mendje. Ok, mbase jo gjithçka që i vjen në mendje, Skifteri preferon njerëzit me njëfarë filtri. Dhe mbase jo çdo të premte se duhet ta aprovojmë ne përpara, po të shpresojmë që po, nuk kushton gjë.

Ishte koha në fakt, pas qindra miniakuzash për cinizëm të tepruar, blogu zbutet dhe merr më shumë ngjyra. Tani i bëjmë copy-paste shkrimit të rekrutes sonë dhe lexojmë së bashku me nënvizim...

Go!

Përshëndetje lexonjës të dashur, kudo që ndodheni (në punë, shpi a lojë) dhe faleminderit që keni zgjedhur Skifterin për të shpërdoruar kohën tuaj të lirë dhe të paçmueshme.

Kur miku, homologu, të cilin ju të gjithë e njihni si Skifteri, më propozoi ti bashkohesha blogut najn tu fajv, përgjigjia ishte thjesht, pastër dhe pa gabime: Po me pyet a do i verberi sy?

Kështu që, here I am dhe le të fillojmë pa humbur kohë.

Kryefjala(parafjala dhe kundrinori i zhdrejte) i kesaj jave, nuk ka sesi të jetë tjetër, përvec se propozimit më të fundit nga Naltmadhnia e tij, Kryeministri i Tiranes, Durrësit dhe gjithë Shqipërisë Sal Berisha PHD, për uljen e moshës së votimit në 16+ vjeç. Dhe ndërsa për një pjesë të popullsisë kjo shihet si një lajthitje e përkohshme e Monsignor Berishës, po ti referohemi dhe precedentëve të mëparshëm të tipit: nuk ka krizë të na dali para, të mësojmë të gjithë kinezçe dhe mua më pëlqejnë shumë pjeshkët, për shumë të tjerë kjo konsiderohet a real miracle of freedom. Sido të jetë, përgëzojme këtë kategori shumë të rëndësishme sociale(sidomos në vendimmarrjen politike), për arritjen, pothuajse aspak të dëshiruar nga ana e tyre, të kësaj të drejte hyjnore. Por të mos harrojmë, se me privilegjin e madh, vijne dhe përgjegjësi të mëdha, sepse tani, përveç detyrave të kursit të anglishtes, mësimeve rreth vendosjes së prezervativit dhe shkarkimit të Harlem Shake-ut të fundit nga youtube, duhet të përgatiten dhe për misionin fisnik të të votuarit. Kështu që çdo 16-vjeçar, nga Konispoli në Vermosh, midis dilemës sufllaqe me salce kosi apo majoneze, makiato normale apo makiato me qumësht të ftohtë, do të thirret të marrë pjesë në një vendim që do të përcaktojë politikëbërjen për të paktën katër vitet e ardhshme.

Po le të hedhim një sy nga afër se çfarë mendon vetë kjo kategori:

Eni 16 vjeç, Besnik Sykja: "Tashi kjo domethënë që e kemi pushim atë ditë? Apo orët e shkurtume?"

Jona 16.5 vjeç, Arben Broci: "Unë nuk e kam për herë të parë, kam votuar vjet pa pushim për Gracianon."

Besi 17 vjeç, Qemal Stafa: "Si o ky muhabet tashi plako, me alternativa apo me zhvillim?"

Po as këto mendime nuk kanë rëndësi tamam tamam. Rëndësi ka qy, sa më shumë individë të paformuar, të palexuar dhe çka është më e rëndësishmja lehtësisht të manipulueshem, të kenë mirësinë ta shkundin votën.

Sepse siç ka thënë dhe MJAFT(i perjetshem qoftë kujtimi): Të votosh është sexy(lale).

PS: Vendimmarrje apo vendimarrje? M apo m&m?

Gjeniu i vogël: Papa vdes kaq shpesh në detyrë se mosha e pensionit në Vatikan është 90 vjeç.