[J'adore] Quanto il braccio

Stafi i Skifterit ka arritur të intervistojë një yll Hollywood-i, së shpejti këtu do të gjeni intervistën ekskluzive, rrini me ne!

....................................................................................................................

Në kohën kur çifutët po endeshin në shkretëtirë, Moisiu shkëputet në mënyrë misterioze dhe ia futi vrapit duke u veçuar në mal, mori arin me vete sepse donte të hapte një bankë. Flokët i kishte lidhur bishtalec për aerodinamikë, opingat i kishte shtrënguar pas këmbëve dhe duart i lëvizte me të shpejtë duke lënë pas një shtëllungë tymi. E dinte që për të diçka e madhe po vinte. Gjatë kësaj kohe çifutët ishin shthurur shumë, degjenerimi ishte sheshit. Moisiu kthehet nga mali me dy pllaka guri ku në secilën prej tyre ishin gdhendur 5 urdhëresa.

Po Beni, gjithësej 10 urdhëresa.

Këto urdhëresa të diktuara nga Zoti (dhe të gdhendura nga Moisiu) do t'u tregonin njerëzve rrugën e duhur megjithëse ato thonë çfarë s'duhet të bësh dhe jo çfarë duhet të bësh. Për fat të keq ato urdhëresa nuk u zbatuan asnjëherë të plota as në nivel individi dhe as në nivel populli. Kurioziteti të shtyn të mendosh si do ishte bota sikur ato të zbatoheshin me përpikmëri. Atëherë le të imagjinojmë pa humbur kohë si do ishte Shqipëria në vitin 2014, plot një vit prej fillimit të zbatimit të urdheresave.

E diel, 2 shkurt 2014
Kristi u ngrit vonë, por me nxitim nga shtrati. Që kur kishin filluar këto punët e Zotit, pronarët nuk e jepnin më pushim ditën e shtunë. "Po të ishte e nevojshme, do ishte gdhendur në gur dhe e shtuna, por ja që është vetëm e diela", arsyetonin ata. Me ditët e pushimit ishte shtrënguar shumë. Për Bajram e Novruz as që bëhej llaf. "Nuk do kesh Zot tjetër përveç Meje!". Pikë.

Duhet të ikte të vizitonte prindërit që rrinin në Kombinat, kurse Kristi rrinte në Kinostudio. "Respekto prindërit!" dhe prindërit s'i kishin kërkuar gjë tjetër, përveç se ti shihte të dielave. Boll me kaq. Në rrugë s'kishte asnje njeri. Ishte më keq se 1 janar në mëngjes. "Mos puno të dielava siç nuk punova as Unë!". As autobuza, as dyqane, asgjë. Nejse, kishte një vit që kishte rritur formën fizike.

Femra e tjetrit, atë që Skifteri e shikon rëndom si motër

Te prindrit u bë derr. As televizori nuk punonte, e kishin pushim. Gjithsesi kishte rënë kohët e fundit. "Mos krijo idhujtari të rremë". "Mos vidh!". Kjo e fundit doli që kishte qënë dhe për idetë. Emisione të tëra ishin mbyllur, muzikantët ishin flakur në rrugë. Jepeshin vetëm këngë të vjetra.

Do Tupac, s'ka 2 die 4
Do Oasis, s'ka Altin Goc
Do Madonna, s'ka Madona shqiptare
Do Porta a Porta, s'ka Opinion

Politikanët ishin ndërruar të gjithë. Se ç'ishin vënë ca adoleshentë që këndonin nëpër bashkësira. Emisionet me femra me shalë jashtë kishin humbur audiencë sepse nuk lejohet të shikohej femra e tjetrit. Epo t'i... Nuk shante dot se pale çfarë do pësonte po të keqpërdorte emrin e Zotit. Për femrat nuk ndalohej të nxirrnin shalët, po burrave u ndalohej t'i shihnin. Burrat ishin të gatshëm t'i shihnin por gjithmonë si të ishin shalët e motrave të tyre. Gjithmonë. Kështu e torturonte dhe një komshije. Të shikoje burrin e tjetrit nuk ndalohej, por Kristi nuk bënte dot adultère sepse ishte i martuar.

"Hë moj nënë, na thuaj ndonjë gjë". E ëma po vdiste për çikë thasheme e dallavere, por që me "Mos shpif për komshiun!"... Edhe mund ta thoshte një fjalë, po s'e dinte me saktësi. Sa vetë e kishin ngrënë kështu...

Donte t'i bënte një pyetje Zotit: tek ajo "Mos vrit!", përjashtohet vetja? Kishte filluar të kishte dyshime mbi sinqeritetin e Moisiut sepse pllakat përmbanin ca korrigjime që ngjanin me shkrimin e tij.

Gjeniu i vogël: Feja merret nga babai normalisht.