[Skifteri edukon] Sekletet e logla të xhemlës

Një lexuese na ka dërguar një foto të vetën

Lexonjësit më inteligjentë në botë,

Skifteri ndihet shumë i frymëzuar nga numrat në rritje të leximeve të këtij blogu, rreth 224 milionë lexime vetëm dje. Në darkë.

Ka ardhur një pikë ku ne nuk mund të ndalemi dot edhe sikur të duam, detyrimi moral ndaj 1.24 miliardë shqiptarëve që lexojnë blogun ka peshën e një thesi çimentoje mbi supet e Skifterit. Presioni i performancës është i lartë, por Skifteri ka lindur gati për sfida të mëdha dhe presioni i lartë është habitati i tij natyral.

Pra, lajmi i mirë është që nuk jemi lodhur, përkundrazi, të fitosh 6.000 euro në muaj nga një blog qeka gjë shumë e bukur. Ju falenderojmë për çdo click, pa ju nuk do ia kishim dalë dot. Nuk do kishim blerë dot nga një VW Scirocco benzine tek derë për kokë, s'do kishim xhiruar dot gomat nëpër Bllok dhe Qytet Studenti, s'do kishim qerasur dot tavolina gocash me shampanjë me fishekzjarre, s'do kishim blerë dot bluza Emporio Armani të bardha të ngjitura pas trupit dhe më e rëndësishmja; s'do kishim bërë dot tatuazh një skifter që të zinte gjithë shpatullat dhe t'i dilte koka te qafa sipër bluzës që thamë.

Ju jeni muza jonë, fjalët nuk shprehin dot as 1/1000 të mirënjohjes tonë.

Nejse, fshijmë lotët dhe vazhdojmë. Jo, vazhdojmë po pa i fshirë lotët.

Skifteri, si shumë shpesh kohët e fundit, ndihet i brishtë si një filiz kanabisi. Trajton tema gjithnjë e më të buta, kjo empatia që sjell pranvera ja censuron cinizmin.

Dhe sot Skifteri arrin kulmin e ëmbëlsisë, do flasim për ndienjën më fisnike m'botë, da da da dashurinë.
Asnjeri nuk jeton dot pa të, dashuria është si një lule, jo si një varkë me vela, jo si një qiell me re, jo si një luftë, jo si një kalë, jo më mirë të kesh dashur e të kesh humbur sesa mos kesh dashur kurrë, o-po-dale-o-po-hajde etj etj tkxh tdf.

Shuuumë shumë bukur deri tani.

Po është e verbër apo jo?

Aaa...këtu e kemi kapur çik ngushtë dashurinë. Sepse s'është edhe aq e verbër sa thuhet nëpër clichè...

Tani, një gocë dashurohet me një çun. Çun i thjeshtë, i lezetshëm, sens humori, e bën të ndihet mirë. Është per tu vlerësuar goca se zgjodhi njeriun?

Jo. Goca ndihet shumë mirë me çunin, këto donte nga një çun dhe ai ia plotëson. Këto kërkesa kishte ajo, këto mori. Bukuri, i urojmë fat çiftit.

Ngjitemi një shkallë. Një gocë tjetër e do çunin të jetë si ky këtu sipër, por ambicioz dhe të suksesshëm, është në rregull edhe kjo?

Pooo, edhe kjo në rregull është sepse shoqëria thotë që të kërkosh një njeri të suksesshëm është komplet e natyrshme, s'ka gjë të keqe këtu.

Por tani ngjitemi në një shkallë ku shoqëria fillon dhe përbuz. Ato gocat që zgjedhin të rrinë me një çun vetëm se ai ka para. Këtu fillon të përdoret fjala kurvë...

Tani, ajo goca e parë që zgjodhi thjesht një djalë të këndshëm pse paska avantazh nga kjo e treta? Të parën e bën të ndihet mirë ai tipi që i kushton vëmendje dhe e bën të qeshë, të tretën e bën të lumtur të qënit e sigurt financiarisht, pse qenka superiore moralisht e para?

A nuk është pa kuptim kjo "e dua për atë që është"? Kush të do po s'ofrove asgjë, thjesht se ekziston?! Dikush të do sepse merr diçka nga ty, materiale apo shpirtërore pak rëndësi ka, varet për çfarë ka nevojë secili.

Shkurt, ti lexues/e dashuron dikë sepse të leverdis ajo çka merr në këmbim. Është komplet punë përfitimi, egoizëm i pastër, e keni dëgjuar "e dua se më mbush"? Hmmm...

Skifterit këto perceptimet e tipit...

1.  E dua më shumë se veten time
2. Do ta dua gjithmonë, sido që të vijnë punët
3. Dashuria e vërtetë nuk vdes kurrë

I duken më idiote se...

1. Çmimi Nobel për Paqen
2. Fakti që Argo fiton Oskar si filmi më i mirë po regjizorin (i urojmë pensionin) as e nominojnë
3. Goca që uron mamin për ditëlindje në Fejsbuk duke e patur në shtëpi

Ja dhe kjo injorantja që nuk sheh shpirtin fisnik të një kamarieri ose hidrauliku

Dhe e mbyllim këtu.

PS: Prapë ato që shkojnë me njërin për lekë kurva ngelen, kjo as diskutohet. Kot edhe e diskutuam në fakt.

PPS: Në këtë shkrim nuk përfshihen ato që shkojnë me njërin për famë, kështu që haremi i Skifterit do vazhdojë, asnjëra mos dekurajohet.

PPPS: Mund të thoni çfarë të doni për Hugo Chavez, por një lider që merret peng në kuadrin e një grushti shteti dhe rikthehet për pak ditë sepse shumica dërrmuese e popullit del në protestë…ky njeri ka respektin e Skifterit, të paktën si brainwasher.

Gjeniu i vocërr: Unë nuk do e shisja veten për asnjë shumë në botë.