[Skifteri edukon] Zigmund Zigmund ule kokën...

Siç kishim premtuar, heshtja shurdhuese e Skifterit merr fund.
Mungesa ka qenë gërryese, Skifterin e ka marrë malli madje madje edhe për tipat që përsërisin batutat e Portokallisë dhe/ose Pallatit 176. E dimë që disave tani u erdhi ajo ndiesia në stomak sa imagjinuan këta individë, po malli është mall. Hello Lazarat City meqë ra fjala.
Si fillim puthje&përqafime për të gjithë lexuesit.
Jo, heqim meshkujt. Dhe femrat jo në formë.
Skifteri është shumë i lumtur të rihapë zemrën me publikun nëpërmjet blogut, sidomos sepse në jetën reale zgjedh prakticitetin, s`ka kohë për introspek…intospreks…int…e nejse, e ke parasysh kur rri mendon për veten, nga brenda dmth, edhe kshu.
***
Tani, e keni parasysh atë shprehjen e Groucho Marx “I don`t care to belong to any club that will have me as a member"?
Ashtu, futeni në xhep se do na duhet më vonë.
Skifteri është mahnitur gjithmonë, po gjithmonë nga meshkujt që zgjedhin të kalojnë jetën me një “gocë të mirë” dhe ta komplementojnë atë me një dashnore, ose dy. Ku është kuptimi i kësaj? Je në rregull me botën? Si mund të jesh i plotësuar kështu?
Kjo nuk ndodh vetëm në Shqipëri, prandaj Freud s`mund ta linte pas dore si temë. Ky tipi tani i ka thënë personalisht Skifterit, gjatë një darke në Salzburg, që ekzistokërkërkësh një kompleks, Madonna/whore complex, që shpjegon shumë gjëra.
Një mashkull ushqen dashurinë e parë në jetë ndaj femrës së parë që njeh, që është e ëma. Si rrjedhojë, femra me të cilën do zgjedhë të ndajë jetën duhet të ketë sa më shumë cilësi të ngjashme me të dhe shpesh kështu ndodh.

Foto e Skifterit në Lhasa, 2001.

Po këtë e di edhe Landi i llotos poshtë pallatit.
Tani, personat që e kanë të theksuar kompleksin që përmendëm, e kanë të vështirë të tërhiqen dhe të plotësohen seksualisht me bashkëshorten, të cilën e kanë zgjedhur sipas modelit në kokë, por këtu qëndron edhe problemi. Gruaja ngjan me mamin, të kujton mamin dhe – këtu Freud e shkel çik – në subkoshiencë seksi me të të duket incest.
Rezultati? Jetë seksuale skandaloze => kërkim për dashnore. Nga ana tjetër, një grua e pakënaqur => kërkim për dashnor.
Te njerëzit që kanë këtë kompleks, problemi më i madh është se ndajnë femrat me thikë në dy kategori, goca e mirë ose kurva.
Gocën e mirë e admiron, e dashuron se ka vlerat që ti ke kërkuar te një partner, por tërheqja seksuale është afër zeros. Kurva, nga ana tjetër, është për tu përbuzur, por ama seksualisht…
Dhe këtu vijmë te një çun që, pavarësisht asaj që do të transmetojë në dukje, nuk përballon dot një femër që është e kompletuar, e kujdesshme, me vlera, por e jashtëzakonshme në shtrat. Këtë s`e kategorizon dot ky tipi, kurvë apo bashkëshorte potenciale?
Më mirë një femër të nënshtruar, jo shumë të pavarur, si mami, dhe një dashnore për kompletim.
Morali i kësaj?
Skifteri s`merret me moral absolut, thjesht hap tema. Dhe asaj shprehjes në fillim gjejani vendin vetë.
PS: Ku fundi i marrëzisë?

Gjeniu i vogël: Wherever you go, there you are.